على العيشة تجي داعي طواهيش
شهاب الحامد
معي مهرى بتي واجب سماعه
الى حلف الحضارم وابن حبريش
عسى فيهم لنا نلقى نفاعة
وماندري زعلهم مننا ليش ؟
دخلتوا بحر ماتدرون قاعه
ولا با توصلوا فوّه ولا ابويش
بريق المال له شنة وشاعه
على العيشة تجي داعي طواهيش
فلوسك باتحبرش لك جماعه
وباتخرج لواء من عسكر الجيش
وكم في السوق من هذه البضاعه
تبا لك اورمو والا دحابيش
وبانعطيك بعد الحفل ساعه
حباريشك معد همشي حباريش
نصيحه مز لك بوري مداعه
وحاذر لافي التنباك تحشيش
وسافر تركيا عند الجماعه
ولق مطعم مشاوي او مناقيش
وإلا فالبلد كله مجاعة
وقفلها على ذولاك بالشيش
بغونا نحترب لك 100 راعه
وطول الوقت شغالين تحريش
بغوا البكري يصادم في خزاعه
ونحنا نشترح واهبيش واهبيش
